Vlerat e larta barike që kanë përfshirë territorin shqiptar do të sjellin mot të qëndrueshëm dhe rritje të temperaturave. Paraditja pritet të dominohet nga intervale të gjata me diell në të gjithë vendin.
Gjatë pasdites dhe mbrëmjes, zonat malore në veri dhe juglindje do të përjetojnë kalime të lehta vranësirash, por ato nuk do të sjellin reshje.
Temperaturat do të rriten në të dy ekstremet, duke luhatur nga 13°C minimalja deri në 35°C maksimalja. Era do të fryjë e lehtë deri mesatare nga veriperëndimi, me shpejtësi deri 35 km/h, duke krijuar dallgëzim 2 ballë në brigjet detare.
