Një zjarr i përmasave të mëdha ka përfshirë një pallat trekatësh në qendër të qytetit të Peshkopisë, rreth orës 02:00 të mëngjesit të sotëm. Flakët shpërthyen fillimisht në katin e tretë të godinës dhe më pas u përhapën me shpejtësi në të gjithë ndërtesën, duke shkaktuar dëme të konsiderueshme materiale.
Zjarri krijoi panik mes qytetarëve, pasi godina ndodhet pranë ndërtesave të tjera, duke rritur rrezikun e përhapjes së flakëve. Fatmirësisht, falë ndërhyrjes në kohë, banorët u evakuuan dhe nuk ka të lënduar.
Shkaqet e zjarrit mbeten ende të paqarta. Policia ka nisur hetimet, ndërsa dyshohet se një shkëndijë elektrike mund të ketë qenë shkaktari kryesor i flakëve.