Drejtuesi Politik i Qarkut Elbasan Arbjan Mazniku ka reaguar për një imazh që po qarkullon në rrjete sociale dhe disa portale, i cili pretendohet se paraqet një bisedë në WhatsApp të tij.
Ai e ka cilësuar materialin si të fabrikuar, duke shkruar.
“Siç mund të vërtetohet thjesht ky imazh është FAKE dhe i bërë me AI. Çuna keni përdor app te lodhur për t’a sajuar këtë”
Imazhi është shpërndarë në disa publikime online si “provë”, pavarësisht dyshimeve të ngritura për manipulim digjital dhe mospërputhje vizuale në përmbajtje.
Rasti rikthen edhe një herë në vëmendje se në epokën e inteligjencës artificiale, materialet vizuale nuk mund të merren automatikisht si të vërteta pa një verifikim të kujdesshëm të origjinës së tyre.