FSHF ka bërë ndryshime në kalendarin e javës së 10-të të Kategorisë Superiore. Ndeshjet Egnatia – Vllaznia dhe Vora – Partizani, të programuara fillimisht për t’u luajtur të hënën në orën 17:00, tashmë janë zhvendosur për të martën në orën 16:00.
Ky ndryshim vjen si rezultat i udhëzimeve të UEFA-s, ku përcaktohet që ndeshjet e kampionateve kombëtare nuk duhet të zhvillohen në të njëjtin orar me ato të Ligës së Kampionëve. Nëse takimet e Superiores do të fillonin në 17:00, ato do të përkonin me dy ndeshje të Championsit që nisin në 18:45, konkretisht Napoli – Eintracht Frankfurt dhe Slavia Pragë – Arsenal.