TIRANË ,23 shtator 2026 /Albania Express News/-Kombëtarja shqiptare vijon punën për 4 ndeshjet e para të sezonit të ri të Nations League. Pasditen e të martës, në ‘Shtëpinë e Futbollit’ skuadra kuqezi me Rolando Maran dhe stafin teknik të tij zhvilloi seancën e radhës stërvitore.
Tekniku italian kishte në dispozicion të 28 futbollistët e grumbulluar për këtë fazë përgatitore. Seanca nisi me ushtrime në palestër, ndërsa më pas futbollistët vijuan punën në fushë, ku u përqendruan në skema dhe detyra të ndryshme taktike.
Kombëtarja do të vijojë përgatitjet në “Shtëpinë e Futbollit” edhe gjatë ditëve në vijim, në prag të sfidave të radhës në UEFA Nations League.
Kuqezinjtë do të nisin aventurën e tyre në Nations League mbrëmjen e së shtunës në 26 shtator me sfidën ndaj Bjellorusisë. Tre ditë më vonë, në 29 shtator kuqezinjtë do të luajnë në transfertë ndaj San Marinos. Në 3 tetor skuadra jonë kombëtare do të luajë një tjetër ndeshje në transfertë atë me Finlandën, për të mbyllur këtë fushatë me sfidën ndaj San Marinos në Tiranë.