TIRANË, 1 tetor 2026 /Albania Express News/- Kombëtarja shqiptare e futbollit ka mbërritur në Helsinki, ku të shtunën do të zhvillojë ndeshjen e radhës në kuadër të UEFA Nations League ndaj Finlandës.
Kuqezinjtë udhëtuan pasditen e sotme nga Cesena drejt kryeqytetit finlandez dhe, pas mbërritjes, u akomoduan në hotel, duke vijuar përgatitjet për sfidën e radhës.
Programi i Kombëtares parashikon që nesër trajneri Rolando Maran, së bashku me një prej futbollistëve të ekipit, të dalë në konferencën zyrtare për shtyp në stadiumin ku do të luhet ndeshja. Konferenca për media do të nisë në orën 14:00.
Pas konferencës, kuqezinjtë do të zhvillojnë edhe seancën e fundit stërvitore në “Helsinki Olympic Stadium”, ku do të përmbyllin përgatitjet për përballjen me Finlandën.
Konferenca për shtyp do të transmetohet drejtpërdrejt në kanalin zyrtar të FSHF-së në YouTube, si dhe në FSHF TV.
Ndeshja Finlandë–Shqipëri do të luhet më 3 tetor, në stadiumin olimpik të Helsinkit, duke nisur në orën 15:00.