Një video e publikuar nga gazetarë rusë tregoi zyrtarët e Koresë së Veriut duke fshirë karrigen dhe duke larguar gotën e përdorur nga Kim Jong Un gjatë takimit në Pekin me presidentin rus Vladimir Putin.
Sipas orientalistit rus Andrey Lankov, kjo është pjesë e masave të sigurisë për të penguar shërbimet speciale të vendeve të tjera që të marrin informacion rreth shëndetit të liderit koreanoverior.
Eksperti thekson se prej disa vitesh ka shenja se Kim Jong Un, 43 vjeç, mund të ketë probleme shëndetësore, ndërsa autoritetet e Koresë së Jugut në vitin 2024 raportuan se ai peshon rreth 136 kg dhe vuan nga hipertensioni e diabeti.
Problemet lidhen me stresin, duhanin dhe alkoolin, sipas një raporti parlamentar korean.