Kadastra: Qytetarët mund të marrin online kopje të dokumenteve të pronës

TIRANË ,11 gusht 2026/Albania Express News/-Qytetarët mund të pajisen online me kopje të vërtetuara të dokumenteve që ndodhen në dosjen e pronës së tyre, përmes platformës “e-Albania”, njofton Kadastra Shqiptare.

Shërbimi mundëson marrjen e kontratës, planimetrisë dhe dokumenteve të tjera tekniko-ligjore mbi të cilat bazohet regjistri i pasurisë së paluajtshme.

Për të përfituar këtë dokumentacion, qytetarët duhet të aplikojnë në “e-Albania” për shërbimin “Kopje të vërtetuara të dokumenteve tekniko-ligjorë në të cilat bazohet regjistri i pasurive të paluajtshme – referencë regjistrimi”.

Kadastra bën të ditur se për pasuritë e digjitalizuara dokumentet vihen në dispozicion menjëherë, ndërsa për pasuritë që nuk janë ende të digjitalizuara, dokumentacioni përgatitet dhe vihet në dispozicion brenda pesë ditëve.

Sipas institucionit, shërbimi u jep mundësi qytetarëve të sigurojnë kopje të vërtetuara të dokumenteve të dosjes së pronës sipas nevojës, duke lehtësuar aksesin në dokumentacionin tekniko-ligjor të pasurive të paluajtshme.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Shtëpia e Bardhë sekuestron telefonat e gazetarëve në Air Force One, “justifikimi”: Për arsye sigurie

SHBA , 19 nëntor 2026/Albania Express News/-Shtëpia e Bardhë...

Kufizime të reja për protestat/ Komisioni miraton kufizimet për tubimet, opozita: Do t’i çojmë në Kushtetuese

TIRANË , 19 nëntor 2026/Albania Express News/-Vetëm me një...

Policia e Shtetit certifikon punonjësit për sigurinë në shkolla, në shqip edhe platforma europiane Help4You

TIRANË , 19 nëntor 2026/Albania Express News/-Punonjësit  e Policisë...