Federata Shqiptare e Hendbollit mbylli zyrtarisht Kampionatin Kombëtar për të rritur për sezonin 2025-2026 me zhvillimin e ndeshjeve të fazës “play-off”.
Në finalen e madhe u përballën dy skuadrat më të mira të kampionatit, HK Elbasani dhe U.S. Tirana, në një ndeshje të luftuar dhe me emocione deri në sekondat e fundit.
Pjesa e parë u mbyll me avantazhin e HK Elbasanit, 10-8, ndërsa në përfundim të takimit elbasanasit triumfuan me rezultatin 27-25, duke siguruar titullin kampion.
Me këtë fitore, HK Elbasani shpallet Kampion Kombëtar i Shqipërisë në hendboll për sezonin 2025-2026, duke kurorëzuar një sezon të suksesshëm dhe plot përkushtim nga lojtarët dhe stafi teknik.
Një falënderim i veçantë shkon për Presidentin e ri të Federatës Shqiptare të Hendbollit, z. Laert Qendro, i cili po jep një mbështetje të rëndësishme në procesin e riorganizimit dhe zhvillimit të mëtejshëm të hendbollit shqiptar.
Urime HK Elbasanit për këtë sukses të merituar dhe suksese të mëtejshme në aktivitetet e ardhshme sportive.
