Nga Xhensil Shkëmbi
Donika Tele është padyshim një nga emrat më të njohur të gazetarisë lokale dhe jo vetëm. Pasi mbaroi shkollën e mesme do të punonte për pak kohë në Ersekë në bibliotekën e këtij qyteti dhe pas përfundimit të shkollës së lartë është përgjegjëse kulturore në Lumalas.
Për shumë vite gazetare dhe redaktore në Radio Korça, aty ku zëri i saj karakteristik do të bëhet i njohur për gjithë dëgjuesit e juglindjes së vendit.
Por, Donika nuk ka ndaluar edhe pasi ka dalë në pension, pasi edhe për shumë vite të tjera ka punuar si gazetare në televizionin “LOBI”, aty ku zëri dhe figura e saj televizive kanë qenë të pranishme në çdo edicion lajmesh. Donika Tele mbetet shembulli unik i gazetares model, i asaj që lajmin e ka kërkuar në çdo cep të qarkut të Korçës.