Drejtori i Përgjithshëm i Kulturës dhe Sporteve në bashkinë Elbasan, z. Artin Kovaçi, së bashku me stafin e Drejtorisë së Sporteve, zhvilloi sot një takim me lojtarët e huaj të ekipit të basketbollit.
Gjatë takimit, z. Kovaçi shprehu gatishmërinë e institucionit për t’i mbështetur sportistët në çdo sfidë apo problem që mund të hasin, duke theksuar rëndësinë e krijimit të kushteve sa më të mira për zhvillimin profesional të ekipit.
Në prag të nisjes së fazës së dytë të kampionatit të basketbollit, drejtuesit u uruan lojtarëve shumë suksese dhe rezultate pozitive. Njëkohësisht, Drejtori i Përgjithshëm nënvizoi nevojën që në të ardhmen puna e ekipit të jetë edhe më cilësore dhe më e përkushtuar nga të gjithë aktorët e përfshirë.
Takimi u zhvillua në një frymë bashkëpunimi dhe mirëkuptimi, duke përcjellë mesazhin se, së bashku me lojtarët e huaj, ekipi i basketbollit synon të funksionojë si një trup i vetëm, me objektiva të përbashkëta dhe një vizion afatgjatë për një të ardhme sportive më të suksesshme.
