Një aksident i rëndë rrugor i ndodhur në orët e para të mëngjesit të sotëm në qytetin e Elbasanit i ka marrë jetën një të riu.
Sipas njoftimit zyrtar të Drejtorisë Vendore të Policisë Elbasan, specialistët e Qarkullimit Rrugor arrestuan në flagrancë shtetasin R. R., 26 vjeç, banues në Elbasan, pasi në rrugën “Janaq Kilica”, automjeti që ai drejtonte, në gjendje të dehur, ka dalë nga rruga dhe është përplasur me një pemë anësore.
Si pasojë e përplasjes, ka humbur jetën pasagjeri Nehat Uruçi, 21 vjeç, banues në Elbasan. Ndërkohë, drejtuesi i mjetit ndodhet jashtë rrezikut për jetën dhe është shoqëruar nga policia.
Në vijim të kontrolleve, specialistët e Qarkullimit Rrugor arrestuan gjithashtu në flagrancë edhe shtetasin Y. P., 43 vjeç, banues në Elbasan, i cili u kap duke drejtuar automjetin në gjendje të dehur.Ndërkohë tre persona të tjerë mbetën të plagosur gjatë një aksidenti në afërsi të paraburgimit në Bradashesh.