ELBASAN ,16 korrik 2026/Albania Express News/-Një aksident me pasojë fatale është regjistruar në aksin rrugor Elbasan–Librazhd, në fshatin Mengël, ku një automjet ka dalë nga rruga, duke shkaktuar humbjen e jetës së drejtuesit të tij.
Sipas informacionit paraprak, automjeti drejtohej nga shtetasi Klement Balla, 19 vjeç, i cili, për arsye që mbeten ende për t’u sqaruar, ka humbur kontrollin mbi mjetin. Si pasojë e daljes nga rruga, i riu ka pësuar dëmtime të rënda, të cilat i kanë shkaktuar vdekjen.
Menjëherë pas njoftimit, në vendngjarje kanë mbërritur shërbimet e Policisë dhe grupi hetimor, të cilët kanë nisur veprimet procedurale për dokumentimin e plotë të ngjarjes.
Nën drejtimin e Prokurorisë, grupi hetimor vijon punën për zbardhjen e plotë të rrethanave dhe shkaqeve që çuan në këtë aksident tragjik.
Ngjarja e fundit ka tronditur edhe një herë banorët e zonës pasi ky është viktima e 14 në qarkun e Elbasanit që nga fillimi i këtij viti , ndërsa pritet që hetimet të përcaktojnë dinamikën e saktë të aksidentit.