Karlos Garsia nuk është më trajner i Flamurtarit. Klubi vlonjat ka vendosur të ndërpresë bashkëpunimin me teknikun spanjoll pas një serie rezultatesh zhgënjyese, dhe pritet vetëm zyrtarizimi i largimit të tij. Sot duket të jetë një ditë e trazuar për pankinat e Superiores, pasi edhe Mladen Milinkoviç mund të largohet pas katër humbjesh radhazi.
Flamurtari ka qenë një prej skuadrave më zhgënjyese të këtij sezoni. Megjithëse u investua fort dhe u bë një merkato e bujshme, vlonjatët ndodhen në fund të tabelës me vetëm dy pikë pas gjashtë javësh. Situata e rëndë ka detyruar drejtuesit të ndërhyjnë në momentin më kritik, me synimin për t’i dhënë skuadrës një tronditje pozitive përpara vazhdimit të kampionatit.