Një shpërthim me lëndë plasëse ka tronditur pas mesnate zonën e Kamzës. Objektivi ishte banesa e deputetit të Partisë Demokratike, Xhelal Mziu.
Sipas policisë, rreth orës 00:55 në rrugën “Arjan Sala”, autorë ende të paidentifikuar vendosën një sasi të dyshuar tritoli në murin rrethues të banesës.
Nga shpërthimi u shkaktuan vetëm dëme materiale, pa lëndime në njerëz.
Forcat e policisë dhe grupi hetimor ndodhen në terren për të zbardhur rrethanat dhe për të identifikuar autorët e ngjarjes.
Deputeti i PD ka deklaruar në polici se nuk dyshon tek asnjë, pasi nuk ka konflikte.
