PORTUGALI , 11nëntor 2026 / Albania Express News /-Mbi 200 fluturime janë anuluar, ndërsa shkollat, qindra supermarkete dhe biznese kanë pezulluar aktivitetin në Portugali, pasi stuhia Charles ka përfshirë vendin me reshje të dendura shiu dhe erëra të forta.
Autoritetet portugeze kanë marrë masa paraprake për të përballuar situatën, duke vënë në gatishmëri të gjitha shërbimet e emergjencës dhe njësitë ushtarake. Gjithashtu, janë pezulluar mësimet në shkolla, janë mbyllur shërbimet publike jo thelbësore dhe qytetarëve u është kërkuar të qëndrojnë në banesa.
Masat u morën edhe për shkak të kritikave që qeveria kishte marrë për reagimin e ngadaltë ndaj stuhive të muajve janar dhe shkurt. Megjithatë, Charles rezultoi më pak e fuqishme nga sa ishte parashikuar fillimisht.