Java e 9-të sjell lëvizje të rëndësishme në tabelën e Kategorisë së Parë. Kavajasit kryesojnë me 17 pikë, ndërsa tri skuadra ndjekëse mbeten në kuotën e 15 pikëve. Dy sfidat e së hënës mund të riformatojnë sërish garën për kreun.
TIRANË, 1 nëntor 2026 /Albania Express News/-Ndeshjet e zhvilluara këtë të diel në kuadër të javës së 9-të të Kategorisë së Parë kanë sjellë ndryshime të rëndësishme në klasifikim, me Besën që ka marrë përkohësisht kryesimin e vetme.
Skuadra kavajase regjistroi një fitore të rëndësishme përballë Pogradecit, duke shkuar në kuotën e 17 pikëve dhe duke u shkëputur në krye të renditjes.
Një tjetër fitore me peshë ishte ajo e Bylisit ndaj Burrelit. Mallakastriotët ngjiten në grupin e skuadrave me nga 15 pikë, ku bëjnë pjesë edhe Iliria dhe Kukësi, duke konfirmuar pretendimet për ngjitjen në elitën e futbollit shqiptar.
Edhe Besëlidhja vazhdon të jetë në garë pas triumfit ndaj Orikumit, duke u pozicionuar me 14 pikë, po aq sa Pogradeci.
Ndërkohë, Kastrioti siguroi tri pikë të vlefshme ndaj Korabit, duke shkuar në 11 pikë dhe duke synuar largimin nga zona e poshtme e klasifikimit.
Dy sfida për të plotësuar javën
Vëmendja tashmë zhvendoset te dy përballjet e së hënës: Sopoti–Iliria dhe Flamurtari–Kukësi.
Këto dy takime pritet të kenë ndikim të drejtpërdrejtë në garën për kreun, por edhe në pozicionimin e skuadrave që synojnë zonën e play-off-it për ngjitjen në Kategorinë Superiore.
RENDITJA E KATEGORISË SË PARË
| Pozicioni | Skuadra | Pikë |
| 1 | Besa | 17 |
| 2 | Iliria | 15 |
| 3 | Bylis | 15 |
| 4 | Kukësi | 15 |
| 5 | Pogradeci | 14 |
| 6 | Besëlidhja | 14 |
| 7 | Flamurtari | 12 |
| 8 | Kastrioti | 11 |
| 9 | Korabi | 11 |
| 10 | Sopoti | 7 |
| 11 | Burreli | 6 |
| 12 | Oriku | 2 |