Masat e nxehta me origjinë afrikane do të ndikojnë në vendin tonë, duke sjellë temperatura më të larta se mesatarja e shtatorit, deri në +7°C.
Pjesa e parë e ditës do të jetë me mot të kthjellët në të gjithë Shqipërinë, ndërsa pasditja dhe mbrëmja do të shoqërohen me kalime të lehta vranësirash, kryesisht në lindje dhe në zonën e ulët.
Temperaturat do të variojnë nga 13°C në mëngjes deri në 35°C në mesditë. Era do të fryjë mesatare nga perëndimi, me shpejtësi deri në 35 km/h, duke krijuar dallgëzim të lehtë 1–2 ballë në brigjet detare.