HAGË ,14 shtator 2026 /Albania Express News/-Po vijon seanca e fundit gjyqësore në lidhje me akuzat e ngritura nga Hashim Thaçit për pengim drejtësie, ku për rreth 30 minuta morën fjalën avokatët e ish-presidentit të cilët kundërshtuan provat e siguruara nga Prokurorët e Hagës.
Në fjalët e tyre, mbrojtjet e Thaçit theksuan se si dokumentet ashtu dhe incizimet e sekuestruara janë të paqarta. Konkretisht për dokumentet e gjetura në shtëpinë e Smakajt, mbrojtja e Thaçit nënvizoi se nga ana e prokurorëve nuk është bërë e qartë koha, mënyra apo detajet e tjera në lidhje me provat përmes së cilave ZPS-ja kërkoi të burgosë ish-presidentin së bashku me të akuzuarit e tjerë.
“Printimi i dokumenteve lidhet me printimin e nevojshëm për avokatë. Ata nuk e kanë bërë të qartë se dokumenti është printuar në ditën e hetimit. Gjithashtu PZS-ja nuk tregon se ku e ka gjetur dhe sekuestruar dokumentin. E vërteta është se është e rëndësishme të dimë se si dokumenti përfundoi në duart e gjykatësit.
Sa i takon këtij argumenti, ZPS-së ju i bëtë një pyetje të drejtpërdrejtë për këtë pikë. Ndërkohë që Prokuroria thotë se dokumenti i gjetur banesën e zotit Smakaj është një dokument i cili është dorëzuar nga kryeprokurori i specializuar. Është një dokument që përmendet në dosjen zyrtare.