TIRANË, 14 shtator 2026 /Albania Express News/ – Një protestë është zhvilluar mëngjesin e sotëm në zonën e Zogut të Zi në Tiranë, në një moment kur kryeqyteti po përballet me fluks të lartë automjetesh për shkak të nisjes së vitit të ri shkollor 2026–2027.
Protestuesit janë mbledhur në një prej nyjeve më të ngarkuara të qarkullimit në kryeqytet dhe kanë tentuar të bllokojnë lëvizjen e automjeteve. Situata ka krijuar tension dhe vështirësi të përkohshme në qarkullim.
Forcat e Policisë së Shtetit kanë ndërhyrë për të shmangur bllokimin e plotë të aksit dhe për të garantuar vijimin e lëvizjes së automjeteve. Gjatë ndërhyrjes, disa prej protestuesve janë shoqëruar nga efektivët e policisë.
Tubimi është zhvilluar pikërisht në ditën e parë të vitit të ri shkollor, kur lëvizjet në Tiranë janë ndjeshëm më të dendura për shkak të nxënësve, prindërve dhe mësuesve që i drejtohen institucioneve arsimore.
Ndërkohë, situata në zonën e Zogut të Zi vijon të monitorohet nga policia, ndërsa autoritetet kanë ndërmarrë masa për të shmangur përshkallëzimin e situatës dhe paralizimin e qarkullimit në një nga arteriet kryesore të kryeqytetit.