Nga Klevis Liçi
GRAMSH, 10 shtator 2026 /Albania Express News/ – Ka ardhur momenti për debutimin e Gramshit në sezonin e ri futbollistik. Skuadra gramshiote është gati për ndeshjen e parë të kampionatit, teksa do ta nisë këtë rrugëtim në transfertë përballë Naftëtarit, në Kuçovë.
Në prag të kësaj sfide, klubi ka bërë thirrje për tifozët që të jenë pranë skuadrës dhe ta mbështesin atë në këtë fillim sezoni. Për këtë qëllim, është vënë në dispozicion edhe një autobus për tifozët, duke u krijuar mundësia që ata të udhëtojnë së bashku drejt Kuçovës.
Nisja e autobusit është përcaktuar në orën 13:00, nga instalacioni “Fyejt e Gramshit”.
Për Gramshin, kjo ndeshje shënon nisjen e një sezoni të ri, me skuadrën që synon të bëjë një hap përpara dhe të realizojë objektivat e vendosura. Mbështetja e tifozëve pritet të jetë një element i rëndësishëm në këtë rrugëtim.
Klubi u ka bërë apel të gjithë mbështetësve që t’i bashkohen skuadrës dhe të krijojnë atmosferën e nevojshme në transfertën e parë.
Gramshi dhe tifozët e tij nisen së bashku drejt Kuçovës, me synimin për ta nisur sezonin me rezultat pozitiv.
Forca Gramshi!