Më 3 shtator 1920 përfundoi Lufta e Vlorës, cikël betejash të shqiptarëve kundër ushtrisë italiane, e cila kishte vendosur protektoratin mbi Shqipërinë më 9 dhjetor 1919 pas Konferencës së Paqes.
Më 29 janar 1920 u krijua “Komiteti i Mbrojtjes Kombëtare Vlorë”, ndërsa sulmi ndaj garnizonit italian nisi më 6 qershor 1920 me rreth 20.000 luftëtarë.
Betejat u zhvilluan në Vlorë, Kaninë, Panaja, Llogora, Himarë, Selenicë, Gjorm, Matohasanaj e Tepelenë. Patriotët shqiptarë, përfshirë emigrantë nga Amerika, udhëhiqeshin nga 12 komandantë me drejtues të përgjithshëm Qazim Koculin. Shtabi i luftës u vendos në Drashovicë me prefekt Qazim Kokoshin.
