ELBASAN ,04 gusht 2026/Albania Express News/-Dy vatra zjarri vijojnë të mbeten aktive në territorin e Qarkut të Elbasanit, ndërsa strukturat zjarrfikëse dhe forcat e angazhuara në terren po punojnë për izolimin dhe shuarjen e flakëve.
Vatra e parë ndodhet në fshatin Shqiponjë, në Njësinë Administrative Stravaj të bashkisë Prrenjas, ku ndërhyrja po vijon për të vënë nën kontroll përhapjen e zjarrit në zonën e prekur.
Ndërkohë, një tjetër vatër aktive është regjistruar në fshatin Dardhë, në Njësinë Administrative Hotolisht të bashkisë Librazhd. Edhe në këtë zonë po vijon puna intensive për shuarjen e flakëve dhe për të parandaluar përhapjen e tyre drejt sipërfaqeve të tjera.
Autoritetet janë në monitorim të vazhdueshëm të situatës, ndërsa operacionet në terren do të vijojnë deri në neutralizimin e plotë të të dy vatrave të zjarrit.