KSAMIL ,03 gush 2026/Albania Express News/-Një aksident i rëndë me pasojë vdekjen është regjistruar pasditen e sotme në Ksamil.
Sipas informacioneve paraprake, Antonio Mateli, rreth 22 vjeç, banues në Ksamil, po drejtonte një furgon mallrash, kur për rrethana ende të paqarta mjeti ka dalë nga rruga dhe pasagjeri A.M rreth 20 vjeç që udhëtonte në automjetin e tij ka humbur jetën .
Si pasojë e aksidentit, i riu ka mbetur i plagosur rëndë. Ai është transportuar me urgjencë drejt spitalit, por fatkeqësisht ka humbur jetën gjatë rrugës.
Ngjarja ka ndodhur rreth orës 18.10, ndërsa në vendngjarje kanë mbërritur forcat e Policisë.
Ende nuk dihen shkaqet që kanë çuar në daljen e furgonit nga rruga. Policia po kryen veprimet hetimore për zbardhjen e plotë të rrethanave të aksidentit.