SPANJË ,25 korrik 2026/Albania Express News/-Zjarret që kanë përfshirë periferitë e Madridit kanë prekur edhe objektet e NASA-s pranë kryeqytetit spanjoll.
Një zëdhënës i agjencisë amerikane konfirmoi për AFP-në se flakët “kaluan përmes” Kompleksit të Komunikimeve Hapësinore të Madridit (MDSCC), një stacion kyç komunikimi për misionet që eksplorojnë hapësirën e thellë.
Sipas NASA-s, objektet u evakuuan në kohën e duhur. Zëdhënësja e agjencisë bëri të ditur se çdo dëm i mundshëm do të vlerësohet sapo kushtet e sigurisë ta lejojnë.