UKRAINË ,2 korrik 2026/Albania Express News/-Lufta në Ukrainë ka shkaktuar mbi 2 milionë humbje ushtarake, ndërsa Rusia ka pësuar rreth 450 mijë të vrarë, sipas një studimi të publikuar nga Center for Strategic and International Studies (CSIS).
Raporti vlerëson se Rusia ka regjistruar rreth 1.4 milionë ushtarë të vrarë, të plagosur ose të zhdukur, ndërsa Ukraina mes 525 mijë dhe 625 mijë humbje, përfshirë 125-150 mijë të vrarë.
Sipas autorëve të studimit, Rusia po humbet trupa më shpejt sesa arrin t’i zëvendësojë. Ata theksojnë se humbjet janë veçanërisht të mëdha në rajonet e varfra dhe te pakicat etnike.
Ekspertët vlerësojnë se gjatë muajve të fundit raporti i humbjeve është përkeqësuar ndjeshëm për Rusinë, kryesisht për shkak të përdorimit efektiv të dronëve nga Ukraina, të cilët kanë kufizuar lëvizjen e forcave ruse në vijën e frontit.
Studimi përmend gjithashtu si faktorë të humbjeve të mëdha ruse strategjinë e konsumimit, taktikat e dobëta ushtarake, korrupsionin dhe moralin e ulët të trupave.
As Rusia dhe as Ukraina nuk publikojnë shifra zyrtare për humbjet në luftë, por vlerësimet e CSIS janë në përputhje me analizat e vendeve perëndimore.