BOTËRORI 2026, 2 korrik 2026/Albania Express News/-Kombëtarja braziliane i mbijetoi një ndeshjeje me tension të lartë kundër Japonisë pasi arriti një fitore dramatike të minutës së fundit gjatë raundit të 32 në Kupën e Botës 2026. Gabriel Martineli u shfaq si heroi i madh i fitores ndërsa Nejmar nuk pati mundësinë e tij për të luajtur pavarësisht se kaloi kohë duke bërë nxemjen.
Por, pavarësisht se nuk luajti asnjë minutë, superylli brazilian, i cili arriti falë mbështetjes së tifozëve dhe të qënit një mit aktual në Brazil në thirrjes e minutës së fundit në listën e 26 lojtarëve të Karlo Ançeloti, po bën bujë në të gjithë botën pasi i dërgoi një mesazh të drejtpërdrejtë shkenctarit që parashikoi eliminimin e Brazilit në këtë fazë. Matematikani gjerman Joakim Klement, i cili parashikoi me saktësi tre kampionët e fundit të Kupës së Botës, kishte parashikuar eliminimin e Brazilit në këtë raund – një parashikim që Nejmar me sa duket e mori shumë personalisht.
“Z. Joakim Klement … ju lutemi provoni përsëri Kupën e ardhshme të Botës”, i është drejtuar Nejmar parashikuesit gjerman. Komentet në rrjetet sociale nga tifozët vërshuan menjëherë me shumë që kritikuan qëndrimin e sulmuesit pasi ai as nuk hyri në fushë gjatë ndeshjes.
“O’Ney më mirë të heshtë, të luajë e pastaj të flasë”, ose “Nuk është është Nejmar ai që duhet të flaës për Brazilin”, kanë qënë disa nga komentet e shkruara në saitin e tij. Modeli matematikor i krijuar nga Klement parashikoi më parë se Holanda do të bëhet kampione përfundimtare e Kupës së Botës pasi do të eliminonte Spanjën në gjysmëfinale dhe Portugalinë në finalen e madhe. Sipas Klement, variabli i fundit, ku edhe ai nuk i ka dhënë dot një përgjigje të saktë është veçanërisht i rëndësishëm në edicionin 2026, sepse formati i ri që përmban një raund shtesë të lojërave me eliminim të drejtpërdrejtë rrit shumë shanset që një i dobët të eliminojë një nga favoritët e mëdhenj në një ndeshje të vetme.