TIRANË, 28 prill 2026/Albania Express News/ Ish-kryetari i Gjykatës Kushtetuese, Rustem Gjata u nda sot nga jeta.
Lajmin e përcolli përmes një njoftimi në rrjetet sociale djali i tij, juristi Çlirim Gjata.
Rustem Gjata u zgjodh deputet i Partisë Demokratike në zgjedhjet e para pluraliste në vitin 1992. Gjata ishte angazhuar në hartimin e ligjit për Gjykatën Kushtetuese, si anëtar i Komisionit të Ligjeve.
Më pas, Partia Demokratike e propozoi për kryetar të Gjykatës Kushtetuese, post që e mbajti nga 1992-1995, pasi mandati ishte vetëm 3-vjeçar. Gjata ishte kryetari i parë i Gjykatës Kushtetuese pas rënies së komunizmit. Mandatin e dytë në krye të Gjykatës Kushtetuese e mbajti deri në vitin 1998 kur u shkarkua nga Kuvendi.