Anulime fluturimesh, pemë të rrëzuara nga pesha e borës dhe autoritetet që u bëjnë thirrje banorëve të jenë të kujdesshëm.
Kjo është panorama në Moskë pas një… stuhie dëbore që goditi kryeqytetin rus në mes të pranverës, zbuluan gazetarët e AFP.
Qendra Meteorologjike Ruse ka shpallur një alarm portokalli për kryeqytetin, i cili do të mbetet në fuqi deri nesër, të martën, në mëngjes. Dhjetëra fluturime u anuluan ose u vonuan në aeroportet e Moskës, me Vnukovo që përballet me problemet më të mëdha, sipas mediave ruse.
Nën peshën e borës, shumë pemë u shkulën, kryesisht në qendër të qytetit, duke dëmtuar makinat dhe duke bllokuar trotuaret, zbuluan gazetarët e AFP-së. “Dimri i vërtetë është rikthyer”, vuri në dukje stacioni televiziv rus Pervy Kanal.