Një 58-vjeçar nga Moska ishte personi i armatosur që vrau pesë persona në Kiev mbrëmjen e sotme, ndërsa të paktën dhjetë të tjerë u plagosën.
Autori, pas sulmit i vuri edhe flakën automjetit të tij, ndërsa policia e identifikoi dhe e ekzekutojë.
Prokurori i Përgjithshëm i Ukrainës, Ruslan Kravchenko, tha se personi i armatosur hapi zjarr me një armë automatike, duke vrarë katër persona në rrugë dhe një tjetër brenda një supermarketi në lagjen Holosiivskyi të Kievit.
Në të njëjtën kohë, sipas tij, një zjarr shpërtheu në apartamentin në Kiev ku autori i krimit kishte deklaruar se po qëndronte, pa u ditur ende detaje të mëtejshme rreth shkaqeve. Kravchenko publikoi një foto nga vendi i ngjarjes, në të cilën një figurë e paqartë e mbuluar me gjak është e dukshme brenda një dyqani, ndërsa një armë shihet pranë saj.
Presidenti ukrainas Volodymyr Zelensky, në një postim në platformën Telegram, duke cituar Ministrin e Punëve të Brendshme, tha se pesë persona kishin vdekur dhe dhjetë po trajtoheshin në spitalet e Kievit.
Në të njëjtën kohë, sipas kryetarit të bashkisë së qytetit, Vitali Klitschko, një nga të plagosurit u dërgua më vonë në spital, duke konfirmuar numrin e viktimave.
Ministri i Brendshëm Ihor Klimenko njoftoi më parë se personi i armatosur u neutralizua gjatë operacionit për arrestimin e tij. Ai tha se forcat speciale të policisë kombëtare ndërhynë në supermarketin ku personi i armatosur ishte barrikaduar dhe se ai qëlloi një oficer policie gjatë përpjekjes për ta arrestuar.