Ekipi i judos i KS Elbasanit ka arritur një paraqitje të suksesshme në turneun ndërkombëtar “Ram Kasmi”, i zhvilluar më 11 prill në Tiranë, ku morën pjesë mbi 200 sportistë nga vende të ndryshme të rajonit.
Sportistët elbasanas garuan në kategoritë U-15 dhe U-18, duke u përfaqësuar me dinjitet dhe duke arritur rezultate të rëndësishme në këtë aktivitet prestigjioz.
Rezultatet e ekipit janë si më poshtë:
Medalje Ari
- Hera Haxhinikolla (U-15, 55 kg)
Medalje Argjendi
- Nina Lazaj (U-15, 55 kg)
- Liljana Sula (U-18, 70 kg)
Medalje Bronzi
- Ajsi Mullisi (U-15, 55 kg)
- Alvis Muca (U-15, 60 kg)
- Eljan Alla (U-18, 60 kg)
- Elis Malaj (U-18, 55 kg)
Një vlerësim i veçantë shkon për vajzat e ekipit, të cilat arritën të gjitha të ngjiten në podium, duke treguar nivel të lartë përgatitjeje dhe shpirt gare.
Suksesi i ekipit mban edhe meritën e trajnerit Ermir Laze, për përkushtimin dhe punën e tij të vazhdueshme me sportistët.
Ky rezultat konfirmon edhe një herë potencialin dhe zhvillimin e judos në Elbasan, duke e vendosur ekipin mes përfaqësuesve më të denjë në aktivitetet sportive kombëtare dhe ndërkombëtare.