Fermerët grekë vazhdojnë protestat, bllokojnë disa akse kryesore rrugore

Fermerët në Greqi po përshkallëzojnë protestat e tyre duke mbyllur rrugët anësore, dhe duke bllokuar trafikun me kilometra.Të premten pasdite, fermerët në bllokadën e Halkidës mbyllën urën e re të Halkidës në të dyja drejtimet. Ura pritet të mbetet e mbyllur për tre orë.Të premten pasdite, fermerët në Thesali mbyllën rrugën anësore që të çonte në dhe nga Larisa me traktorë dhe autokombajna për tre orë. Kryqëzimi i Platikambos është gjithashtu i mbyllur. Traktorët jane vendosur edhe në Rrugën e vjetër Kombëtare Larisa-Volos, duke ndërprerë trafikun në kryqëzimin e Platikambos dhe në fshatin Achillios, një fakt që ka mobilizuar policinë për të rregulluar lëvizjen e qetë të automjeteve, duke e devijuar atë nëpër kalime të ndryshme.
Radhë kilometrash u formuan edhe në Promachonas, ndërsa fermerët bllokuan stacionin kufitar për kamionët ndërkombëtarë në mesditë. Megjithatë, pika u hap pas orës 17:00.