Armando Sadiku ka debutuar me gol për skuadrën e tij të re, Bellinzonën.
Në minutën e 33-të, ai kaloi ekipin në avantazh ndaj Lausane, por sfida përfundoi 2-2. Pas dy javëve të para të kampionatit, Bellinzona ka grumbulluar vetëm një pikë dhe ndodhet në vendin e fundit në renditje. Sadiku iu bashkua ekipit më 30 korrik, që garon në kategorinë e dytë të futbollit zviceran.
Goli i tij në debutim nuk mjaftoi për të siguruar fitoren e parë të sezonit. Bellinzona kërkon të përmirësojë paraqitjet në ndeshjet e ardhshme për të dalë nga fundi i tabelës.
Sulmuesi nga Elbasani pritet të luajë një rol të rëndësishëm në objektivat e klubit këtë sezon.