Kampionja e talentuar Enkileda Carja, e shoqëruar nga trajnerja e saj Eglantina Kalemi, u pritën sot nga Drejtori i Përgjithshëm i Sporteve dhe Kulturës në Bashkinë Elbasan, z. Artin Kovaçi.
Dy emra të njohur, dikur pjesë e Klubit Shumësportësh “Elbasani”, vazhdojnë të nderojnë qytetin me arritje të jashtëzakonshme.
Enkileda Carja po thyen vazhdimisht rekorde në garat kombëtare dhe ndërkombëtare, duke u kthyer në një prej sportisteve më premtuese të vendit.
Suksesi i saj më i fundit është shpallja Kampione e Europës për të Reja, një arritje e cila e vendos Elbasanin dhe Shqipërinë në qendër të vëmendjes sportive.
Gjatë takimit, u diskutua mbi planet afatgjata, sfidat që sportistët përballen dhe vizionin për të ardhmen e sportit në qytet.
U shkëmbyen ide frymëzuese, me synimin për të forcuar mbështetjen ndaj talenteve të rinj dhe për të zhvilluar më tej aktivitetet sportive në Elbasan.
Drejtori Artin Kovaçi vlerësoi arritjet e Carjës dhe punën e palodhur të trajneres Kalemi, duke i cilësuar ato modele frymëzimi për brezin e ri.
