Pas 25 vitesh transmetimesh, News24 i heqin sinjalin duke bërë që News24 të mos transmetojë informacion se çfarë po i ndodh vetë atij. Gazetari i News24, Osman Stafa në një lidhje në facebook, tha se raportimi ubë me anë të youtube e platformave sociale.
Osman Stafa: Jemi para godinës së News24, pas 25 vitesh këtij televizioni, lider i informacionit në Shqipëri, tv më I madh në Shqipëri që ka raportuar pafundësi ngjarjesh të mira dhe jo të mira, sot do të duhet të raportojmë ndryshe.
News24 në mënyrë të papërgjegjshmë i është ndërprerë sinjali duke bërë që pas 25 vitesh të mos transmetojë se cfarë po I ndodh vetë atij. Duke qenë se në orën 6 të mëngjesit sot kanë mbërritur punonjës të policisë së shtetit të drejtuar nga Ardi Veliu kanë nxjerrë nga ambientet gazetarët që kishin nisur punën si dhe nuk lejuan të tjerë që po nisnin punën sic kanë bërë për 25 vite me radhë, të raportojnë ngjarjet për publikun shqiptar.
Janë të gjithë këtu jashtë ambienteve të televizionit, gazetarë, redaktorë, montazhierë, gazetarë të balkanëeb dhe panorama, dhe do jenë raportimet më ndryshe nga cfarë kanë bërë ndër vite. Jemi të gjithë këtu duke mos u lejuar sikur atje brenda të jetë dikush i kërkuar nga policia.