Roko Vata është futur në radarin e Fulham dhe Crystal Palace. Dy klubet e Premier Ligës kanë shprehur interes konkret për talentin 20-vjeçar, dhe sipas “Daily Mail”, për kartonin e tij do të duhen rreth 20 milionë paund.
Vata, i cili zgjodhi të përfaqësojë Irlandën, ka kontratë edhe për tre vite me Watfordin, skuadër që konkurron në Championship. Sulmuesi anësor ka munguar në javët e fundit për shkak të një dëmtimi, por mbetet një nga lojtarët më premtues të klubit.
Detaj i veçantë është fakti se ai ndodhet ende brenda afatit për të ndryshuar përfaqësuese. Nëse ekziston dëshira nga të dyja palët, 20-vjeçari mund të përfaqësojë Shqipërinë në të ardhmen, duke mbajtur të hapur një mundësi që konsiderohet shumë interesante për futbollin kuqezi.