Në njësinë administrative Vulçan po vijojnë me intensitet punimet për ndërtimin e një segmenti rrugor me rëndësi të madhe për komunitetin lokal. Gjatë një inspektimi të fundit në terren, kryetari i Bashkisë Librazhd, Mariglen Disha, ishte i pranishëm për të parë nga afër ecurinë e investimit dhe për të dëgjuar vetë banorët për nevojat e zonës.
Ky projekt i financuar nga Bashkia Librazhd përfshin sistemimin e plotë të terrenit, ndërtimin e mureve mbajtëse dhe asfaltimin e rrugës, duke respektuar standardet bashkëkohore të infrastrukturës. Investimi synon jo vetëm përmirësimin e qarkullimit, por edhe garantimin e sigurisë për banorët dhe lëvizjen e mjeteve.
Aktualisht punimet ndodhen në fazën e nënshtresave dhe shumë shpejt do të fillojë hedhja e shtresave asfaltike. Kryebashkiaku Disha ka theksuar rëndësinë që ka kjo rrugë për lidhjen e zonës me pjesën tjetër të bashkisë, duke garantuar mbështetje të vazhdueshme për projekte që ndikojnë drejtpërdrejt në jetën e qytetarëve.
albaniaexpress.al