Bashkia Elbasan, nën drejtimin e Kryetarit Gledian Llatja, ka nisur një nismë të re që synon përmirësimin e cilësisë së shërbimeve publike dhe mirëmbajtjen e hapësirave të përbashkëta në të gjithë territorin e saj.
Nëpërmjet Agjencisë së Shërbimeve Publike, ka filluar vendosja e koshave të rinj të mbeturinave në të gjitha njësitë administrative, si pjesë e planit për rritjen e standardeve të higjienës urbane dhe menaxhimit të qëndrueshëm të mbetjeve.
Kryetari i Bashkisë Elbasan, z. Gledian Llatja, u shpreh se ky investim është pjesë e vizionit për një qytet më të pastër dhe më miqësor me mjedisin.
“Pastrimi dhe mirëmbajtja e hapësirave publike janë pjesë e një strategjie të gjerë për zhvillim të qëndrueshëm. Ne po punojmë çdo ditë që Elbasani të jetë shembull në menaxhimin e mbetjeve dhe në ndërgjegjësimin qytetar,” deklaroi ai.
Bashkia Elbasan u bën thirrje qytetarëve dhe bizneseve të bashkëpunojnë, duke hedhur mbetjet vetëm në vendet e përcaktuara dhe duke kontribuar së bashku për një mjedis më të pastër dhe të shëndetshëm për të gjithë.