Pesë alpinistë gjermanë, përfshirë një vajzë 17-vjeçare, vdiqën në një ortek që ra dje pranë majës së Cima Vertana në Trentino-Alto Adige (Italia veriore), njoftuan shërbimet italiane të shpëtimit malor.
Orteku, i cili ndodhi në fillim të pasdites, goditi dy grupe alpinistësh gjermanë që po ngjiteshin në masivin Ortles në Italinë veriore, jo shumë larg kufirit zviceran.
“Grupi i parë, i përbërë nga tre persona, u varros plotësisht nën dëborë dhe të tre alpinistët humbën jetën’’, deklaruan shërbimet italiane të shpëtimit malor.
Në grupin e dytë prej katër alpinistësh, dy alpinistë që kishin arritur të arrinin në një vend të sigurt mbijetuan.
‘’Të dielën në mëngjes, u gjetën trupat e dy personave të fundit të zhdukur, një babai dhe vajza e tij 17-vjeçare’’, shtoi shërbimi italian i shpëtimit malor, kërkimi i të cilit ishte penguar nga kushtet e përkeqësuara të motit.