Juventusi ka emëruar ish-trajnerin e Italisë dhe Napolit, Luciano Spalletti, si trajnerin e ri të skuadrës me një kontratë tetëmujore.
Spalletti, 66 vjeç, i shkarkuar nga detyra e trajnerit të kombëtares italiane në qershor, zëvendëson kroatin Igor Tudor, i cili u shkarkua nga Juventusi më herët këtë javë pas vetëm shtatë muajsh në krye të ekipit.
“Luciano Spalletti është trajneri i ri i Juventusit, duke nënshkruar një marrëveshje me klubin deri më 30 qershor 2026” thuhet në faqen zyrtare të klubit. “Jemi të lumtur që mirëpresim në familjen bardhezi një trajner me kaq shumë përvojë dhe ekspertizë. Mirë se erdhe në Juventus dhe suksese, trajner!”
Spalletti udhëhoqi Napolin drejt titullit kampion në Serie A në vitin 2023 dhe më parë ka drejtuar edhe Romën, Interin dhe Zenitin e Shën Pjetërburgut**.
Tudor mori drejtimin e Juventusit në mars si zëvendës i Thiago Mottas, por u larguapas një serie prej tetë ndeshjesh pa fitore në të gjitha kompeticionet.