Pas përfundimit të çdo raundi në Kategorinë Superiore, është bërë traditë që trajnerët e ekipeve kombëtare dhe të moshave të përzgjedhin formacionin dhe trajnerin më të mirë të javës. Për këtë raund, skema e preferuar ishte 3-4-3-2-1, ndërsa portieri më i mirë u zgjedh Mario Dajsinani i skuadrës kampione, Egnatia.
Në mbrojtje u përzgjedhën Herald Marku (Flamurtari), Bruno Dita (Dinamo City) dhe Bruno Lulaj (AF Elbasani). Mesfusha më e mirë përbëhet nga Lorenc Trashi (Flamurtari), Higor Vidal (Teuta), Fernando Medeiros (Egnatia) dhe Mohamed Sanogo (Bylis).
Për repartin e sulmit u zgjedhën Alessandro Albanese (Egnatia) dhe Dejvi Bregu (Dinamo City), të cilët mbështetën sulmuesin kryesor Blaise Tsague (AF Elbasani).
Ndërsa trajneri më i mirë i javës u shpall Francesco Moreiro i Flamurtarit, pas fitores së parë sezonale të skuadrës së tij ndaj Vllaznisë, kryesuese e renditjes.