Pas ndërprerjes për ndeshjet e kombëtares, Kategoria Superiore rikthehet sot me tre përballje mjaft interesante që hapin javën e 7-të të kampionatit.
Në orën 14:00, në “Adush Muça”, Bylisi pret Vllazninë në një sfidë ku ballshiotët kërkojnë pikë për t’u larguar nga zona e ftohtë, ndërsa shkodranët synojnë të ruajnë vendet e para në renditje.
Në orën 17:00 zhvillohen dy ndeshje të tjera të forta.
Në “Arena Egnatia”, Egnatia përballet me Dinamon, në një duel që pritet të jetë tepër i luftuar mes dy skuadrave pretendente për kreun.
Ndërkohë, në “Air Albania”, Tirana pret Teutën, një sfidë klasike që gjithmonë ofron emocione dhe rivalitet.
Programi i ditës:
- Bylis – Vllaznia (ora 14:00)
- Egnatia – Dinamo (ora 17:00)
- Tirana – Teuta (ora 17:00)
Të gjitha ndeshjet pritet të sjellin spektakël, pasi skuadrat rikthehen me energji të freskëta pas pushimit për Kombëtaren.
