Koka i cili aktualisht ndodhet në burg është dënuar për veprat penale që kanë të bëjnë me dosjen e inceneratorit në Fier.
Ish- Ministri i Mjedisit Lefter Koka ka kërkuar lirimin e tij, përmes një kërkese drejtuar Gjykatës së Posaçme. Koka i cili aktualisht ndodhet në burg është dënuar për veprat penale që kanë të bëjnë me dosjen e inceneratorit në Fier.
Në kuadër të kërkesës së tij, Gjykata e Posaçme ka nisur sot shqyrtimin për kërkesën e Ish-ministrit. Erion Bani e shtyu seancën për në datë 20 tetor. Gjyqtari i posaçëm Bani iu drejtuar Gjykatës së Lartë për të marrë nga dosja disa procesverbale për vendimet që lidhen me pezullimin e afateve të paraburgimit.
Gjykata e Posaçme, në prill të këtij viti, ka dënuar me 3 vjet burg ish-Ministrin e Mjedisit Lefter Koka për inceneratorin e Tiranës. Koka do të vuajë 2 vite burgim për shkak të gjykimit të shkurtuar. Bashkë me burgun që ka kryer, Koka nuk lejohet që të mbajë funksione publike për 5 vite. SPAK çoi për gjykim një pjesë të të akuzuarve për inceneratorin e Tiranës mes të cilëve edhe ish-ministrin e mjedisit Lefter Koka, si dhe disa ish-zyrtarë të bashkisë së Tiranës dhe anëtarë të komisionit të vlerësimit të ofertave.
Ish-deputeti i Partisë Socialiste, Alqi Bllako akuzohet se ka përfituar afro 14 milion e 600 mijë lekë pasi ka falsifikuar dokumente për të shpronësuar një tokë për ta kthyer nga një tokë arë në truall në bashkëpunim me ish-ministrin e Mjedisit, Lefter Koka e kryetarin e shpronësimeve, Pëllumb Abeshi për Inceneratorin e Elbasanit. 0 Ish-ministri i Mjedisit ka dhe një dënim tjetër me 6.8 vite burg për inceneratorin e Elbasanit, ndërsa për inceneratorin e Fierit, ku sërish është i përfshirë Lefter Koka, çështja është në rigjykim.
