Zyrtarët e inteligjencës amerikane besojnë se Pekini mund të furnizojë Teheranin me sisteme të reja të mbrojtjes ajrore brenda javëve të ardhshme.
Raportimi i CNN thekson se Irani mund të shfrytëzojë periudhën aktuale të qetësisë në luftime për të rimbushur rezervat e tij ushtarake. Dy nga burimet kanë bërë të ditur se Kina mund të përdorë një vend të tretë për transportimin e këtyre armëve.
Megjithatë, një zëdhënës i ambasadës kineze në Uashington i ka hedhur poshtë këto pretendime.
“Kina nuk i ka furnizuar kurrë armë asnjërës prej palëve ndërluftuese, informacioni në fjalë është i rremë”, tha ai.
Ndërkohë, presidenti amerikan Donald Trump pritet të vizitojë Kinën në fillim të muajit të ardhshëm për bisedime me presidentin kinez Xi Jinping.