Presidenti i Ukrainës, Volodymyr Zelensky, i ka uruar kryeministrin Edi Rama përmes rrjetit “X” pas rizgjedhjes për mandatin e katërt qeverisës.
“Suksese Edi Rama për rizgjedhjen si Kryeministër i Shqipërisë. Mezi pres të vazhdojmë dialogun tonë të shkëlqyer dhe të punojmë së bashku për paqe dhe siguri të qëndrueshme për gjithë Evropën,” shkruan Zelensky.
Presidenti ukrainas gjithashtu i uron Ramës suksese për realizimin e planeve ambicioze për Shqipërinë dhe për rrugën e saj drejt integrimit në Bashkimin Europian.