Në një kohë kur ritmet e modernitetit shpesh largojnë të rinjtë nga trashëgimia kulturore, Visar Hajdari nga Jezerci i Kosovës po bën të kundërtën,ai ka zgjedhur të mësojë lahutën,një nga simbolet më të lashta të identitetit tonë kombëtar.
Si një ndër më të rinjtë në Kosovë që i kushton vëmendje këtij instrumenti epik,Visari përfaqëson një lidhje të gjallë mes së kaluarës dhe së ardhmes.Tingujt e lahutës në duart e tij nuk janë thjesht muzikë,janë histori, legjenda, kujtesë kolektive. Përmes pasionit dhe përkushtimit të tij, Visari po ringjall një traditë që rrezikon të harrohet, duke dëshmuar se trashëgimia kulturore mund të jetojë edhe përmes brezave të rinj.
Shembulli i Visarit është një frymëzim jo vetëm për të rinjtë,por për të gjithë ata që besojnë në forcën e kulturës për të mbajtur gjallë shpirtin e një kombi.
