Ish-ylli i Chelsea, Thiago Silva, 41 vjeç, nuk ka hequr dorë nga ëndrra për të luajtur për Brazilin në Kupën e Botës 2026.
Silva, kapiten i kombëtares në Botëroret 2018 dhe 2022, nuk është aktivizuar për Brazilin që nga eliminimi nga Kroacia në çerekfinale në Katar.
Qendërmbrojtësi, aktualisht pjesë e Fluminense, tha për France Football: “A mund ta imagjinoni t’i mbyll karrierën me një titull Botërori? Do të ishte ëndrra perfekte për të ndaluar.”
Silva ka shënuar shtatë gola në 113 ndeshje me Brazilin dhe ka fituar Kupën e Konfederatës (2013) dhe Copa América-n (2019). Kontrata e tij me Fluminense skadon në qershor 2026, një zgjedhje që ai e quan “të planifikuar” për të tentuar një rikthim në Kombëtare dhe për të përfituar nga mundësia për Botërorin.
Brazili, nën drejtimin e Carlo Ancelottit, synon të fitojë titullin e gjashtë Botëror në 2026, që do të ishte triumfi i parë që nga viti 2002.