Orët e paradites do të dominohen nga kthjellime dhe kalime vranësirash, ku më të theksuara kthjellimet priten në vijën bregdetare, ndërsa vranësira më të dukshme priten në zonat malore lindore.
Pas mesditës dhe në vijim, vranësirat do të shtrihen në të gjithë territorin e vendit, duke sjellë në orët e vona të natës shira të izoluar në skajin verior dhe verilindor.
Temperaturat e ajrit do të rriten në të dy vlerat ekstremale ditore, duke u luhatur nga 12°C, temperatura më e ulët e shënuar në Bulqizë, deri në 33°C, vlera më e lartë që pritet në qarkun e Beratit.
Era do të fryjë e lehtë, me shpejtësi deri në 25 km/h nga drejtimi veriperëndimor. Në brigjet detare kjo do të sjellë dallgëzim të papërfillshëm.