Parashikimet tregojnë për rritje të vlerave barike mbi territorin shqiptar, çka do të sjellë mot kryesisht të qëndrueshëm dhe të freskët. Paraditja pritet të jetë me kthjellime dhe diell në pjesën më të madhe të vendit, ndërsa pasdite dhe në mbrëmje në zonat malore veriore dhe juglindore do të shfaqen kalime të lehta vranësirash, pa reshje.
Temperaturat do të shënojnë rritje si në minimum, ashtu edhe në maksimum, duke u luhatur nga 13°C në mëngjes deri në 30°C në mesditë.
Era do të jetë me intensitet mesatar, deri në 40 km/h, kryesisht nga lindja, duke shkaktuar dallgëzim detar deri në 3 ballë.