Minneapolis, Minesota – Të paktën 20 persona janë plagosur dhe 3 kanë humbur jetën pas disa të shtënash me armë zjarri në një shkollë katolike në Minneapolis, sipas raportimeve të Reuters. Mediat lokale raportojnë se dy persona kanë vdekur dhe katër të tjerë janë plagosur rëndë.
Autoritetet nuk përjashtojnë mundësinë që një bombë të jetë vendosur brenda ndërtesës, por policia lokale ende nuk e ka konfirmuar zyrtarisht këtë informacion.
Një forcë e madhe policore dhe punonjës shpëtimi u nisën menjëherë në vendngjarje, në Kishën e Ungjillit, ku ndodhi incidenti. Ngjarja e rëndë u regjistrua rreth orës 8:30 të mëngjesit të së mërkurës, kur policia mori raportime për të shtëna në kishë.
Dëshmitarët e kanë përshkruar sulmuesin si një burrë të veshur me të zeza që mbante një pushkë gjahu.
Guvernatori i Minesotës, Tim Walz, tha në një postim se incidenti ndodhi brenda shkollës katolike. Ende nuk është e qartë nëse sulmi kishte në shënjestër aktivitetet e zakonshme të kishës apo nxënësit dhe stafin e shkollës.
